arz-e-niyāz-e-ishq ke qābil nahīñ rahā

arz-e-niyāz-e-ishq ke qābil nahīñ rahā

jis dil pe naaz thā mujhe vo dil nahīñ rahā

jaatā huuñ dāġh-e-hasrat-e-hastī liye hue

huuñ sham-e-kushta dar-ḳhur-e-mahfil nahīñ rahā

marne kī ai dil aur hī tadbīr kar ki maiñ

shāyān-e-dast-o-bāzū-e-qātil nahīñ rahā

bar-rū-e-shash-jahat dar-e-ā.īna baaz hai

yaañ imtiyāz-e-nāqis-o-kāmil nahīñ rahā

vā kar diye haiñ shauq ne band-e-naqāb-e-husn

ġhair-az-nigāh ab koī haa.il nahīñ rahā

go maiñ rahā rahīn-e-sitam-hā-e-rozgār

lekin tire ḳhayāl se ġhāfil nahīñ rahā

dil se havā-e-kisht-e-vafā miT ga.ī ki vaañ

hāsil sivā.e hasrat-e-hāsil nahīñ rahā

bedād-e-ishq se nahīñ Dartā magar 'asad'

jis dil pe naaz thā mujhe vo dil nahīñ rahā

har-chand maiñ huuñ tūti-e-shīrīñ-suḳhan vale

ā.īna aah mere muqābil nahīñ rahā

jāñ-dād-gāñ kā hausla fursat-gudāz hai

yaañ arsa-e-tapīdan-e-bismil nahīñ rahā

huuñ qatra-zan ba-vādī-e-hasrat shabāna roz

juz tār-e-ashk jāda-e-manzil nahīñ rahā

ai aah merī ḳhātir-e-vābasta ke sivā

duniyā meñ koī uqda-e-mushkil nahīñ rahā

andāz-e-nāla yaad haiñ sab mujh ko par 'asad'

jis dil pe naaz thā mujhe vo dil nahīñ rahā

arz-e-niyāz-e-ishq ke qābil nahīñ rahā

jis dil pe naz thā mujhe wo dil nahīñ rahā

jatā huñ dāġh-e-hasrat-e-hastī liye hue

huñ sham-e-kushta dar-ḳhur-e-mahfil nahīñ rahā

marne kī ai dil aur hī tadbīr kar ki maiñ

shāyān-e-dast-o-bāzū-e-qātil nahīñ rahā

bar-rū-e-shash-jahat dar-e-āīna baz hai

yañ imtiyāz-e-nāqis-o-kāmil nahīñ rahā

wā kar diye haiñ shauq ne band-e-naqāb-e-husn

ġhair-az-nigāh ab koī hail nahīñ rahā

go maiñ rahā rahīn-e-sitam-hā-e-rozgār

lekin tere ḳhayāl se ġhāfil nahīñ rahā

dil se hawā-e-kisht-e-wafā miT gaī ki wañ

hāsil siwāe hasrat-e-hāsil nahīñ rahā

bedād-e-ishq se nahīñ Dartā magar 'asad'

jis dil pe naz thā mujhe wo dil nahīñ rahā

har-chand maiñ huñ tūti-e-shīrīñ-suḳhan wale

āīna aah mere muqābil nahīñ rahā

jāñ-dād-gāñ kā hausla fursat-gudāz hai

yañ arsa-e-tapīdan-e-bismil nahīñ rahā

huñ qatra-zan ba-wādī-e-hasrat shabāna roz

juz tār-e-ashk jāda-e-manzil nahīñ rahā

ai aah merī ḳhātir-e-wābasta ke siwā

duniyā meñ koī uqda-e-mushkil nahīñ rahā

andāz-e-nāla yaad haiñ sab mujh ko par 'asad'

jis dil pe naz thā mujhe wo dil nahīñ rahā