hosh kisi ka bhi na rakh jalwa-gah-e-namaz mein

hosh kisī kā bhī na rakh jalva-gāh-e-namāz meñ

balki ḳhudā ko bhuul jā sajda-e-be-niyāz meñ

rāz-e-nishāt-e-kHuld hai kHanda-e-dil-navāz meñ

'aib-o-shuhūd ke rumūz nargis-e-nīm-bāz meñ

aaj to iztirāb-e-shauq had se sivā ho gayā

aur bhī jaan paḌ ga.ī 'ishvā-e-jāñ-gudāz meñ

is se ziyāda aur kyā shokHī-e-naqsh-e-pā kahūñ

barq sī ik chamak ga.ī aaj sar-e-niyāz meñ

parda-e-dahr kuchh nahīñ ik adā-e-shokH hai

ḳhaak uThā ke Daal dī dīda-e-imtiyāz meñ

ai dil-e-shokH-o-hīlā jo zer-e-makīn-e-rañg-o-bū

tā.ir-e-qadah ko bhī le dām-gah-e-majāz meñ

sab se adā-e-be-kHudī varna adā-e-husn kyā

hosh kā jab guzar nahīñ us kī harīm-e-nāz meñ

hosh kisi ka bhi na rakh jalwa-gah-e-namaz mein

balki KHuda ko bhul ja sajda-e-be-niyaz mein

raaz-e-nishat-e-kHuld hai kHanda-e-dil-nawaz mein

'aib-o-shuhud ke rumuz nargis-e-nim-baz mein

aaj to iztirab-e-shauq had se siwa ho gaya

aur bhi jaan paD gai 'ishwa-e-jaan-gudaz mein

is se ziyaada aur kya shokHi-e-naqsh-e-pa kahun

barq si ek chamak gai aaj sar-e-niyaz mein

parda-e-dahr kuchh nahin ek ada-e-shokH hai

KHak uTha ke Dal di dida-e-imtiyaz mein

ai dil-e-shokH-o-hila jo zer-e-makin-e-rang-o-bu

tair-e-qadah ko bhi le dam-gah-e-majaz mein

sab se ada-e-be-kHudi warna ada-e-husn kya

hosh ka jab guzar nahin us ki harim-e-naz mein