tark-e-muddaa kar de ’ain-e-muddaa ho ja

tark-e-mudda'ā kar de ’ain-e-mudda'ā ho jā

shān-e-’abd paidā kar maz.har-e-ḳhudā ho jā

us kī raah meñ miT kar be-niyāz-e-kHilqat ban

husn par fidā hokar husn kī adā ho jā

barg-e-gul ke dāman par rañg ban ke jamnā kyā

is fazā-e-gulshan meñ mauja-e-sabā ho jā

tū hai jab payām us kā phir payām kyā terā

tū hai jab sadā us kī aap be-sadā ho jā

aadmī nahīñ suntā aadmī kī bātoñ ko

paikar-e-’amal ban kar ġhaib kī sadā ho jā

sāz-e-dil ke pardoñ ko ḳhud vo chheḌtā hai jab

jān-e-muztarib ban kar tū bhī lab-kushā ho jā

qatra-e-tunak-māya bahr-e-be-karāñ hai tū

apnī ibtidā hokar apnī intihā ho jā

tark-e-mudda'a kar de ’ain-e-mudda'a ho ja

shan-e-’abd paida kar mazhar-e-KHuda ho ja

us ki rah mein miT kar be-niyaz-e-kHilqat ban

husn par fida hokar husn ki ada ho ja

barg-e-gul ke daman par rang ban ke jamna kya

is faza-e-gulshan mein mauja-e-saba ho ja

tu hai jab payam us ka phir payam kya tera

tu hai jab sada us ki aap be-sada ho ja

aadmi nahin sunta aadmi ki baaton ko

paikar-e-’amal ban kar ghaib ki sada ho ja

saz-e-dil ke pardon ko KHud wo chheDta hai jab

jaan-e-muztarib ban kar tu bhi lab-kusha ho ja

qatra-e-tunak-maya bahr-e-be-karan hai tu

apni ibtida hokar apni intiha ho ja