tu jogi ban na birogi ban na laga ke KHak tu ban mein ja

tū jogī ban na birogī ban na lagā ke ḳhaak tū ban meñ jā

tujhe us kī shaan hai dekhnī kisī ma.arifat ke chaman meñ jā

jo ḳhudī ko apne miTā.egā to ḳhudā kī zaat ko pā.egā

tujhe us kā nuur hai dekhnā to misāl-e-chāñd-gahan meñ jā

vahī raam meñ vo rahīm meñ vahī alif laam aur miim meñ

vahī kah ke kun kahīñ chhup gayā use DhūñDh apne hī ban meñ jā

vahī badr meñ vo hilāl meñ vahī ruḳh meñ gesū meñ ḳhaal meñ

mujhe us kā kuchh bhī pata nahīñ use dekh chāh-e-zaqan meñ jā

tū 'abas miTātā hai rañg-o-bū tujhe kaun jaane hai kaun tū

kahā maan 'asġhar' be-navā tū yahāñ se apne vatan meñ jā

tu jogi ban na birogi ban na laga ke KHak tu ban mein ja

tujhe us ki shan hai dekhni kisi marifat ke chaman mein ja

jo KHudi ko apne miTaega to KHuda ki zat ko paega

tujhe us ka nur hai dekhna to misal-e-chand-gahan mein ja

wahi ram mein wo rahim mein wahi alif lam aur mim mein

wahi kah ke kun kahin chhup gaya use DhunDh apne hi ban mein ja

wahi badr mein wo hilal mein wahi ruKH mein gesu mein KHal mein

mujhe us ka kuchh bhi pata nahin use dekh chah-e-zaqan mein ja

tu 'abas miTata hai rang-o-bu tujhe kaun jaane hai kaun tu

kaha man 'asghar' be-nawa tu yahan se apne watan mein ja