jise did teri nasib ho wo nasib qabil-e-did hai

jise diid terī nasīb ho vo nasīb qābil-e-dīd hai

ki shab-e-barāt hai raat use din us ke vāste 'iid hai

koī farq husn meñ kyā kare tire aur yūsuf-e-misr ke

magar itnī baat zarūr hai ki ye diid hai vo shanīd hai

unheñ nāma-bar ne jo ḳhat diyā to ye kah ke qatl use kiyā

na pahuñchnā phir ke vahāñ terā yahī us ke ḳhat kī rasīd hai

unheñ dushmanoñ ke muqāble meñ ho paas kyā kisī dost kā

jo qarīb hai vo qarīb hai jo ba'īd hai vo ba'īd hai

zarā shoḳhī un kī to dekhiye ki bulā ke mahfil-e-ġhair meñ

mujhe dekhte haiñ vo ġhaur se ye adā bhī qābil-e-dīd hai

merī qadr jiite hī jī unheñ huī jab na ḳhaak to phir bhalā

vo paḌheñge qabr pe fātiha ye zarūr mujh ko ummīd hai

dam-e-naza' jaatā hai tū jidhar tujhe dekhtā hai marīz-e-ġham

tire saath phirtī haiñ putliyāñ ye vufūr hasrat-e-dīd hai

huā mujh se hashr meñ sāmnā to vo bole ‘vājid’-e-bā-vafā

kare tū hamārā yahāñ gilā to ye baat tujh se ba'īd hai

jise did teri nasib ho wo nasib qabil-e-did hai

ki shab-e-baraat hai raat use din us ke waste 'id hai

koi farq husn mein kya kare tere aur yusuf-e-misr ke

magar itni baat zarur hai ki ye did hai wo shanid hai

unhen nama-bar ne jo KHat diya to ye kah ke qatl use kiya

na pahunchna phir ke wahan tera yahi us ke KHat ki rasid hai

unhen dushmanon ke muqable mein ho pas kya kisi dost ka

jo qarib hai wo qarib hai jo ba'id hai wo ba'id hai

zara shoKHi un ki to dekhiye ki bula ke mahfil-e-ghair mein

mujhe dekhte hain wo ghaur se ye ada bhi qabil-e-did hai

meri qadr jite hi ji unhen hui jab na KHak to phir bhala

wo paDhenge qabr pe fatiha ye zarur mujh ko ummid hai

dam-e-naza' jata hai tu jidhar tujhe dekhta hai mariz-e-gham

tere sath phirti hain putliyan ye wufur hasrat-e-did hai

hua mujh se hashr mein samna to wo bole ‘wajid’-e-ba-wafa

kare tu hamara yahan gila to ye baat tujh se ba'id hai