hai hukm KHuda ka ye quran paDho samjho

hai hukm ḳhudā kā ye qur.ān paḌho samjho

sunnat hai nabī kī jo vo kaam kaaro samjho

haq vāloñ kā shaidā.ī kahte ho agar ḳhud ko

baat aa.e agar haq kī haq baat kaho samjho

sunñā to paḌegī hī rūdād tumheñ merī

ehsān kaaro mujh par aur baat suno samjho

tum merī zarūrat ho tum merī zarūrat ho

tum saath chalo mere aur saath raho samjho

shaidā.ī zamāna hai un kā to zamāne meñ

shaidā.ī bano un ke aur un pe maro samjho

haiñ riñd hazāroñ par saaqī to akelā hai

majbūri-e-sāqī bhī ai tishna-labo samjho

jis baat ke afsāne mash.hūr hoñ duniyā meñ

tum chhoḌo unheñ 'āsif' kuchh aur likho samjho

hai hukm KHuda ka ye quran paDho samjho

sunnat hai nabi ki jo wo kaam karo samjho

haq walon ka shaidai kahte ho agar KHud ko

baat aae agar haq ki haq baat kaho samjho

sunna to paDegi hi rudad tumhein meri

ehsan karo mujh par aur baat suno samjho

tum meri zarurat ho tum meri zarurat ho

tum sath chalo mere aur sath raho samjho

shaidai zamana hai un ka to zamane mein

shaidai bano un ke aur un pe maro samjho

hain rind hazaron par saqi to akela hai

majburi-e-saqi bhi ai tishna-labo samjho

jis baat ke afsane mashhur hon duniya mein

tum chhoDo unhen 'asif' kuchh aur likho samjho