kya rab se aur mangun main uske milan ke baad

kyā rab se aur māñgūñ maiñ us ke milan ke ba.ad

allāh ḳhud milā hai mujhe jis sajjan ke ba.ad

jachtā hī kuchh nahīñ hai ab us pairahan ke ba.ad

utran kī terī aisī nirālī phaban ke ba.ad

vo piir aur hoñge jo DhūñDeñ murīd ko

jān-e-masīh milte haiñ lākhoñ jatan ke ba.ad

sab talḳhiyāñ zamāne kī dil bhūlne lagā

tīr-e-nigāh-e-yār kī mīThī chubhan ke ba.ad

koī to ḳhaas baat hai us bazm-e-nāz meñ

Thahrā na dil kahīñ bhī tirī anjuman ke ba.ad

maiñ tum ko chhoḌ dūñgā to sab chhūT jā.eñge

sab kī lagan lagī hai tumhārī lagan ke ba.ad

'mājid' ke jitne sher haiñ nashtar kī den haiñ

ye raaz ham ne jaanā hai mashq-e-suḳhan ke ba.ad

kya rab se aur mangun main us ke milan ke baad

allah KHud mila hai mujhe jis sajjan ke baad

jachta hi kuchh nahin hai ab us pairahan ke baad

utran ki teri aisi nirali phaban ke baad

wo pir aur honge jo DhunDen murid ko

jaan-e-masih milte hain lakhon jatan ke baad

sab talKHiyan zamane ki dil bhulne laga

tir-e-nigah-e-yar ki miThi chubhan ke baad

koi to KHas baat hai us bazm-e-naz mein

Thahra na dil kahin bhi teri anjuman ke baad

main tum ko chhoD dunga to sab chhuT jaenge

sab ki lagan lagi hai tumhaari lagan ke baad

'majid' ke jitne sher hain nashtar ki den hain

ye raaz hum ne jaana hai mashq-e-suKHan ke baad