apne pir-o-murshid ki ye karishma-sazi hai

apne pīr-o-murshid kī ye karishma-sāzī hai

jab se un ke ho baiThe kHuub sarfarāzī hai

ek din hī nisbat kyuuñ na rañg lā.egī

ham bhī us se raazī haiñ vo bhī ham se raazī hai

mā'rifat ke dañggal meñ chand haiñ jo Tikte haiñ

zarf apnā apnā hai apnī apnī baazī hai

’aql-o-hosh ke andhe ye subūt kyā jaane

nuur har bashar meñ hai har bashar namāzī hai

apne bāda-ḳhāne meñ har maraz shifā paa.e

justujū ke nusḳhe meñ har ḳhurāk taazī hai

shaan mard-e-momin kī ham se pūchhte kyā ho

mar gayā shahīdī hai jī rahā to ġhāzī hai

jo milā amannā hai na milā amannā hai

sar pe dekho 'rizvāñ' ke tāj-e-be-niyāzī hai

apne pir-o-murshid ki ye karishma-sazi hai

jab se un ke ho baiThe kHub sarfaraazi hai

ek din hi nisbat kyun na rang laegi

hum bhi us se raazi hain wo bhi hum se raazi hai

ma'rifat ke danggal mein chand hain jo Tikte hain

zarf apna apna hai apni apni bazi hai

’aql-o-hosh ke andhe ye subut kya jaane

nur har bashar mein hai har bashar namazi hai

apne baada-KHane mein har maraz shifa pae

justuju ke nusKHe mein har KHurak tazi hai

shan mard-e-momin ki hum se puchhte kya ho

mar gaya shahidi hai ji raha to ghazi hai

jo mila amanna hai na mila amanna hai

sar pe dekho 'rizwan' ke taj-e-be-niyazi hai