sach hai shah-rag se qarin allah miyan hai re miyan

sach hai shah-rag se qarīñ allāh miyāñ hai re miyāñ

tujh meñ ye mādda samajhne kā kahāñ hai re mayāñ

ġhaur kar apnā pata to ḳhud na paayā aaj tak

saaf zāhir hai ki tū ḳhud hī nihāñ hai re miyāñ

dekh al-insāno sirrī kah diyā hai yaar ne

raaz to ḳhud aur tuuhī rāzdāñ hai re miyāñ

zikr kis kā kufr kaisī aisī kaisī justujū

aag to sho'la hai to 'ālam dhuāñ hai re miyāñ

donoñ 'ālam ik mu'amma hai use hal kar ke dekh

ye haqīqat hai ki yā vahm-o-gumāñ hai re miyāñ

do kamānoñ kā thā kaisā fāsla me'arāj meñ

vaah kitnā pyārā andāz-e-bayāñ hai re miyāñ

raat din kaisī hai ye bakvās 'rizvāñ' chup raho

jaan kar anjān rahne meñ amaañ hai re miyāñ

sach hai shah-rag se qarin allah miyan hai re miyan

tujh mein ye madda samajhne ka kahan hai re mayan

ghaur kar apna pata to KHud na paya aaj tak

saf zahir hai ki tu KHud hi nihan hai re miyan

dekh al-insano sirri kah diya hai yar ne

raaz to KHud aur tuhi raazdan hai re miyan

zikr kis ka kufr kaisi aisi kaisi justuju

aag to sho'la hai to 'alam dhuan hai re miyan

donon 'alam ek mu'amma hai use hal kar ke dekh

ye haqiqat hai ki ya wahm-o-guman hai re miyan

do kamanon ka tha kaisa fasla me'araj mein

wah kitna pyara andaz-e-bayan hai re miyan

raat din kaisi hai ye bakwas 'rizwan' chup raho

jaan kar anjaan rahne mein aman hai re miyan