سچ ہے شہ رگ سے قریں اللہ میاں ہے رہے میاں

سچ ہے شہ رگ سے قریں اللہ میاں ہے رہے میاں

تجھ میں یہ مادہ سمجھنے کا کہاں ہے رہے میاں

غور کر اپنا پتہ تو خود نہ پایا آج تک

صاف ظاہر ہے کہ تو خود ہی نہاں ہے رے میاں

دیکھ ’’الانسان سری‘‘ کہہ دیا ہے یار نے

راز تو خود اور تو ہی راز داں ہے رے میاں

ذکر کس کا، کفر کیسی، ایسی کیسی جستجو

آگ تو شعلہ ہے تو عالمِ دھواں ہے رے میاں

دونوں عالم اک معمہ ہے، اسے حل کر کے دیکھ

یہ حقیقت ہے کہ یا وہم و گماں ہے رہے میاں

دو کمانوں کا تھا کیسا، فاصلہ معراج میں

واہ کتنا پیارا اندازِ بیاں ہے رے میاں

رات دن کیسی ہے یہ بکواس رضواںؔ چپ رہو

جان کر انجان رہنے میں اماں ہے رے میاں