میری جستجو کا بھلا ہوا، میری جستجو کا صلہ ملا

میری جستجو کا بھلا ہوا، میری جستجو کا صلہ ملا

جو صنم کی مجھ کو تلاش تھی وہ صنم خودی میں چھپا ملا

یہ ہی در تھا میرے نصیب کا، اسی در سے پایا سکون دل

اسی در سے مجھ کو انا ملی، اسی در سے اس کا پتہ ملا

میرا پیر، پیروں کا پیر ہے، میرا پیر، شاہی فقیر ہے

جو طلب تھی میرے جنوں کی مجھے اور اس سے سوا ملا

درِ پیر ہے درِ مصطفیٰ درِ مصطفیٰ درِ خدا

اسی در سے سمجھا رسول کو، اسی در سے رازِ خدا ملا

بنا آنکھ ان کو جو دیکھ لے، بنا عقل ان کو جو جان لے

بے ثبوت ان کو جو پالیا، اسے دو جہاں کا صلہ ملا

بنا کان ان کی صدا کو سن، بنا نفس ان کا خیال کر

جو نہ سمجھا ایسے رموز کو، نہ خود ی ملی نہ خدا ملا

نہ گلہ، نہ شکوے کی حاجتیں، نہ کسی سے رضواںؔ شکایتیں

جو بھی ہونا تھا وہ ہوا ہوا، جو نصیب میں تھا ملا ملا