حق تعالیٰ عرش پر ہے کیا کبھی دیکھا گیا

حق تعالیٰ عرش پر ہے کیا کبھی دیکھا گیا

اور پھر شہ رگ سے ہے نزدیک کیا کبھی سمجھا یا گیا

حوا کو جدہ میں اور آدم کو سراندیب میں

معلم الملکوت کو کہیے کہاں پھینکا گیا

کیوں ہوئی تخلیق آدم ہم کو سمجھایا گیا

چار عناصر سے ہوئی تعمیر پڑھوایا گیا

فرش سے مٹی تو منگوائی گئی سچ ہے مگر

آگ کس نے لائی، پانی کس سے منگوایا گیا

اپنے مقصد کے لیے وہ اپنی لذت کے لیے

ہم کو مٹی کے کھلونے دے کے بہلایا گیا

پوچھا جب ابلیس سے مردود کیوں کیسے ہوا

بات سچ سچ جو بھی تھی کہنے کو شرمایا گیا

سجدہ زِندوں کو ہوا کرتا ہے مردوں کو نہیں

کب جنازے کو بتاؤ سجدہ کروایا گیا

چپ رہو رضواںؔ خدا کے واسطے اپ چپ رہو

ایسے نکتوں سے ہر اک کا قلب گرمایا گیا