haqq-e-tala arsh par hai kya kabhi dekha gaya

haqq-e-ta'ala 'arsh par hai kyā kabhī dekhā gayā

aur phir shah-rag se hai nazdīk kyā kabhī samjhāyā gayā

havvā ko jadda meñ aur aadam ko sarāndīb meñ

mu'allim-ul-malakūt ko kahiye kahāñ pheñkā gayā

kyuuñ huī taḳhlīq-e-ādam ham ko samjhāyā gayā

chaar 'anāsir se huī tā'mīr paḌhvāyā gayā

farsh se miTTī to mañgvā.ī ga.ī sach hai magar

aag kis ne laa.ī paanī kis se mañgvāyā gayā

apne maqsad ke liye vo apnī lazzat ke liye

ham ko miTTī ke khilaune de ke bahlāyā gayā

pūchhā jab iblīs se mardūd kyuuñ kaise huā

baat sach sach jo bhī thī kahne ko sharmāyā gayā

sajda zindoñ ko huā karatā hai murdoñ ko nahīñ

kab janāze ko batāo sajda karvāyā gayā

chup raho 'rizvāñ' ḳhudā ke vāste ab chup raho

aise nuktoñ se har ik kā qalb garmāyā gayā

haqq-e-ta'ala 'arsh par hai kya kabhi dekha gaya

aur phir shah-rag se hai nazdik kya kabhi samjhaya gaya

hawwa ko jadda mein aur aadam ko sarandib mein

mu'allim-ul-malakut ko kahiye kahan phenka gaya

kyun hui taKHliq-e-adam hum ko samjhaya gaya

chaar 'anasir se hui ta'mir paDhwaya gaya

farsh se miTTi to mangwai gai sach hai magar

aag kis ne lai pani kis se mangwaya gaya

apne maqsad ke liye wo apni lazzat ke liye

hum ko miTTi ke khilaune de ke bahlaya gaya

puchha jab iblis se mardud kyun kaise hua

baat sach sach jo bhi thi kahne ko sharmaya gaya

sajda zindon ko hua karata hai murdon ko nahin

kab janaze ko batao sajda karwaya gaya

chup raho 'rizwan' KHuda ke waste ab chup raho

aise nukton se har ek ka qalb garmaya gaya