KHud ki tahqiq mein raaz ye khul gaya

ḳhud kī tahqīq meñ raaz ye khul gayā

ham se haT kar ḳhudā dosrā kaun hai

ham hī ham haiñ nahīñ koī apne sivā

hai to batlā do apne sivā kaun hai

sāqiyā terī ḳhidmat meñ ye 'arz hai

ham jo pūchheñ batānā terā farz hai

kaun zāhir meñ hai kaun bātin meñ hai

ibtidā kaun thā intihā kaun hai

mā'nī kyā haiñ mohammad ke samjhā zarā

kis ko kahtī hai duniyā rasūl-e-ḳhudā

ye rasūl-e-ḳhudā ko to samjhe nahīñ

ye rasūl-e-ḳhudā kā ḳhudā kaun hai

ek sau chaudah suure haiñ qur.ān meñ

tan ke qur.ān meñ suure kahāñ hai batā

kis tarah ḳhud kī ab ham tilāvat kareñ

sāqiyā apnā tere sivā kaun hai

nek-o-bad kis ke a'amāl batlā.īye

marzī aur hukm kis kā hai samjhā.īye

aaj tak ham na samjhe ki is bazm meñ

pur-ḳhatā kaun hai be-ḳhatā kaun hai

lā'nat allāh kī aise īmān par

fe'l-e-bad apne lā'nat ho shaitān par

achchhī tā'līm paa.e ho 'rizvāñ' miyāñ

bolo haqdār lā-haul kā kaun hai

KHud ki tahqiq mein raaz ye khul gaya

hum se haT kar KHuda dosra kaun hai

hum hi hum hain nahin koi apne siwa

hai to batla do apne siwa kaun hai

saqiya teri KHidmat mein ye 'arz hai

hum jo puchhen batana tera farz hai

kaun zahir mein hai kaun baatin mein hai

ibtida kaun tha intiha kaun hai

ma'ni kya hain mohammad ke samjha zara

kis ko kahti hai duniya rasul-e-KHuda

ye rasul-e-KHuda ko to samjhe nahin

ye rasul-e-KHuda ka KHuda kaun hai

ek sau chaudah sure hain quran mein

tan ke quran mein sure kahan hai bata

kis tarah KHud ki ab hum tilawat karen

saqiya apna tere siwa kaun hai

nek-o-bad kis ke a'amal batlaiye

marzi aur hukm kis ka hai samjhaiye

aaj tak hum na samjhe ki is bazm mein

pur-KHata kaun hai be-KHata kaun hai

la'nat allah ki aise iman par

fe'l-e-bad apne la'nat ho shaitan par

achchhi ta'lim pae ho 'rizwan' miyan

bolo haqdar la-haul ka kaun hai