ye raaz khula hum par asrar-e-KHilafat mein

ye raaz khulā ham par asrār-e-ḳhilāfat meñ

banda hai sharī'at meñ maulā hai haqīqat meñ

iqrār-o-sadqāt kā anjām ḳhudā jaane

pattharoñ ne gavāhī dī shīshoñ kī 'adālat

sach hai ki yahāñ un kī pahchān zarūrī hai

pahchān kā sāmāñ hai ḳhud apnī tilāvat meñ

bahroñ ko sunā.ī de andhoñ ko dikhā.ī de

ye hukm sunā.e haiñ nisbat kī hukūmat meñ

shaitāñ kī burā.ī par tahqīq kiye jaao

tā'rīf hai kyuuñ haq kī iblīs kī lā'nat meñ

iqrār to kar lenā āsāñ hai bahut lekin

iqrār nibhā lenā mushkil hai sharī'at meñ

rūh-e-nafas dil-o-jāñ meñ mat DhūñDh unheñ 'rizvāñ'

hargiz vo nahīñ rahte bosīda 'imārat meñ

ye raaz khula hum par asrar-e-KHilafat mein

banda hai shari'at mein maula hai haqiqat mein

iqrar-o-sadqat ka anjam KHuda jaane

pattharon ne gawahi di shishon ki 'adalat

sach hai ki yahan un ki pahchan zaruri hai

pahchan ka saman hai KHud apni tilawat mein

bahron ko sunai de andhon ko dikhai de

ye hukm sunae hain nisbat ki hukumat mein

shaitan ki burai par tahqiq kiye jao

ta'rif hai kyun haq ki iblis ki la'nat mein

iqrar to kar lena aasan hai bahut lekin

iqrar nibha lena mushkil hai shari'at mein

ruh-e-nafas dil-o-jaan mein mat DhunDh unhen 'rizwan'

hargiz wo nahin rahte bosida 'imarat mein