kalima jo nahin paDhta momin nahin kahlata

kalima jo nahīñ paḌhtā momin nahīñ kahlātā

jo shirk nahīñ karatā jannat meñ nahīñ jaatā

mushrik jise kahte haiñ momin haiñ vahī bar-haq

ye raaz samajh jaao ab maiñ nahīñ samjhātā

allāh kī sūrat meñ insān nahīñ hargiz

ik shakl ke do kaise qur.ān ye farmātā

īmān mirā aisā īmān chalā jaa.e

jab jā ke phir aatā hai tā-hashr nahīñ jaatā

jab shakl nahīñ us kī kis shakl meñ dekhoge

murshid se zarā pūchho is raaz ko samjhātā

allāh qayāmat meñ jis ruup meñ aa.egā

pahchānoge kis tarh dil kahne ko sharmātā

zāhir vo rahā to kyā bātin vo rahā to kyā

vo kaisā rahā to kyā apnā hai vo man maatā

'rizvāñ' yahī behtar hai ab band zabāñ kar lo

bakvās se kyā hāsil dil hai yahī farmātā

kalima jo nahin paDhta momin nahin kahlata

jo shirk nahin karata jannat mein nahin jata

mushrik jise kahte hain momin hain wahi bar-haq

ye raaz samajh jao ab main nahin samjhata

allah ki surat mein insan nahin hargiz

ek shakl ke do kaise quran ye farmata

iman mera aisa iman chala jae

jab ja ke phir aata hai ta-hashr nahin jata

jab shakl nahin us ki kis shakl mein dekhoge

murshid se zara puchho is raaz ko samjhata

allah qayamat mein jis rup mein aaega

pahchanoge kis tarh dil kahne ko sharmata

zahir wo raha to kya baatin wo raha to kya

wo kaisa raha to kya apna hai wo man mata

'rizwan' yahi behtar hai ab band zaban kar lo

bakwas se kya hasil dil hai yahi farmata