kya hain samajh mein aaenge wo aazma ke dekh

kyā haiñ samajh meñ ā.eñge vo aazmā ke dekh

ik baar un kī yaad meñ aañsū bahā ke dekh

uThte haiñ kaise parda-e-asrār dekh le

ik sūrat-e-sarmadī kī taraf dhyān lagā ke dekh

kalime ko paḌhne vaale zarā ye bhī lutf le

āñkhoñ meñ kalime vaale kā naqsha jamā ke dekh

khul jā.egā ye raaz yahāñ kyā hai kyā nahīñ

vahm-o-gumāñ ke jitne haiñ parde uThā ke dekh

karatā rahegā zikr ḳhudā yuuñ hī kab talak

jauhar ḳhudī kī yaad ḳhudā meñ luTā ke dekh

jo ġhaib-o-gum-shuda hai nazar aa.egā zarūr

ahl-e-nazar ko pahle tasavvur meñ lā ke dekh

gar faiz baḳhshā hai kisī ko to yaad rakh

'rizvān' ḳhudī ko apnī tū pāras banā ke dekh

kya hain samajh mein aaenge wo aazma ke dekh

ek bar un ki yaad mein aansu baha ke dekh

uThte hain kaise parda-e-asrar dekh le

ek surat-e-sarmadi ki taraf dhyan laga ke dekh

kalime ko paDhne wale zara ye bhi lutf le

aankhon mein kalime wale ka naqsha jama ke dekh

khul jaega ye raaz yahan kya hai kya nahin

wahm-o-guman ke jitne hain parde uTha ke dekh

karata rahega zikr KHuda yun hi kab talak

jauhar KHudi ki yaad KHuda mein luTa ke dekh

jo ghaib-o-gum-shuda hai nazar aaega zarur

ahl-e-nazar ko pahle tasawwur mein la ke dekh

gar faiz baKHsha hai kisi ko to yaad rakh

'rizwan' KHudi ko apni tu paras bana ke dekh