کیا ہیں سمجھ میں آئیں گے وہ آزما کے دیکھ

کیا ہیں سمجھ میں آئیں گے وہ آزما کے دیکھ

اک بار ان کی یاد میں آنسو بہا کے دیکھ

اٹھتے ہیں کیسے پردہ اسرار دیکھ لے

اک صورت سرمدی کی طرف دھن لگا کے دیکھ

کلمے کو پڑھنے والے ذرا یہ بھی لطف لے

آنکھوں میں کلمے والے کا نقشہ جما کے دیکھ

کھل جائے گا یہ راز یہاں کیا ہے کیا نہیں

وہم و گماں کے جتنے ہیں پردے اٹھا کے دیکھ

کرتا رہے گا ذکر خدا یوں ہی کب تلک

جوہر خودی کی یاد خدا میں لٹا کے دیکھ

جو غیب و گمشدہ ہے نظر آئے گا ضرور

اہلِ نظر کو پہلے تصور میں لا کے دیکھ

گر فیض بخشا ہے کسی کو تو یاد رکھ

رضوانؔ خودی کو اپنی تو پارس بنا کے دیکھ