jab meri did ki usko KHwahish hui arsh se farsh par mujhko lana paDa

jab merī diid kī us ko ḳhvāhish huī 'arsh se farsh par mujh ko laanā paḌā

baat itnī sī thī 'ishq be-tāb thā is liye saarā 'ālam banānā paḌā

ahad ahmad banā husn kī dhuup meñ ban ke aadam mohammad ke har ruup meñ

jis taraf dekhiye nuur hī nuur hai kis ko aanā paḌā kis ko jaanā paḌā

nāsehā jalva-gar kaun hai jaan le sukHn-e-aqrab ke mā'nī ko pahchān le

maiñ banā bhī ġhalat tū banā bhī ġhalat aisī takrār se baaz aanā paḌā

haañ ye sach hai ki har shai meñ hai vo nihāñ hai vo sho'bada gar kyā milegā nishāñ

phir bhī kuchh qalb kī tishnagī ke liye ḳhud ko khonā paḌā ḳhud ko paanā paḌā

ab tasavvur meñ apne kahāñ ġhair hai shar huā lā-patā ḳhair hī ḳhair hai

apnā zāhir hī bātin ko sajda kyā is liye sar ko apne jhukānā paḌā

kaise kah duuñ nahīñ koī mere sivā kyā samajh kar kahūñ jalva-gar hai ḳhudā

donoñ 'illat se 'rizvāñ' mubarrā hai vo aisī 'illat se dāman bachānā paḌā

jab meri did ki us ko KHwahish hui 'arsh se farsh par mujh ko lana paDa

baat itni si thi 'ishq be-tab tha is liye sara 'alam banana paDa

ahad ahmad bana husn ki dhup mein ban ke aadam mohammad ke har rup mein

jis taraf dekhiye nur hi nur hai kis ko aana paDa kis ko jaana paDa

naseha jalwa-gar kaun hai jaan le sukHn-e-aqrab ke ma'ni ko pahchan le

main bana bhi ghalat tu bana bhi ghalat aisi takrar se baz aana paDa

han ye sach hai ki har shai mein hai wo nihan hai wo sho'bada gar kya milega nishan

phir bhi kuchh qalb ki tishnagi ke liye KHud ko khona paDa KHud ko pana paDa

ab tasawwur mein apne kahan ghair hai shar hua la-pata KHair hi KHair hai

apna zahir hi baatin ko sajda kya is liye sar ko apne jhukana paDa

kaise kah dun nahin koi mere siwa kya samajh kar kahun jalwa-gar hai KHuda

donon 'illat se 'rizwan' mubarra hai wo aisi 'illat se daman bachana paDa