جب میری دید کی اس کو خواہش ہوئی عرش سے فرش پر مجھ کو لانا پڑا

جب میری دید کی اس کو خواہش ہوئی عرش سے فرش پر مجھ کو لانا پڑا

بات اتنی سی تھی عشق بے تاب تھا اس لیے سارا عالم بنانا پڑا

احد احمد بنا حسن کی دھوپ میں بن کے آدم محمد کے ہر روپ میں

جس طرف دیکھیے نور ہی نور ہے کس کو آنا پڑا کس کو جانا پڑا

ناصحا جلوہ گر کون ہے جان لے سخن اقرب کے معنی کو پہچان لے

میں بنا بھی غلط تو بنا بھی غلط ایسی تکرار سے باز آنا پڑا

ہاں یہ سچ ہے کہ ہر شئے میں ہے وہ نہاں ہے وہ شعبدہ گر کیا ملے گا نشاں

پھر بھی کچھ قلب کی تشنگی کے لیے خود کو کھونا پڑا خود کو پانا پڑا

اب تصور میں اپنے کہاں غیر ہے شر ہوا لا پتا خیر ہی خیر ہے

اپنا ظاہر ہی باطن کو سجدہ کیا اس لیے سر کو اپنے جھکانا پڑا

کیسے کہہ دوں نہیں کوئی میرے سوا کیا سمجھ کر کہوں جلوہ گر ہے خدا

دونوں علت سے رضواںؔ مبرا ہے وہ ایسی علت سے دامن بچانا پڑا