bāzīcha-e-atfāl hai duniyā mere aage

bāzīcha-e-atfāl hai duniyā mire aage

hotā hai shab-o-roz tamāshā mire aage

ik khel hai aurañg-e-sulaimāñ mire nazdīk

ik baat hai ejāz-e-masīhā mire aage

juz naam nahīñ sūrat-e-ālam mujhe manzūr

juz vahm nahīñ hastī-e-ashiyā mire aage

hotā hai nihāñ gard meñ sahrā mire hote

ghistā hai jabīñ ḳhaak pe dariyā mire aage

mat pūchh ki kyā haal hai merā tire pīchhe

tū dekh ki kyā rañg hai terā mire aage

sach kahte ho ḳhud-bīn o ḳhud-ārā huuñ na kyuuñ huuñ

baiThā hai but-e-ā.ina-sīmā mire aage

phir dekhiye andāz-e-gul-afshānī-e-guftār

rakh de koī paimāna-e-sahbā mire aage

nafrat kā gumāñ guzre hai maiñ rashk se guzrā

kyūñkar kahūñ lo naam na un kā mire aage

īmāñ mujhe roke hai jo khīñche hai mujhe kufr

ka.aba mire pīchhe hai kalīsā mire aage

āshiq huuñ pa māshūq-farebī hai mirā kaam

majnūñ ko burā kahtī hai lailā mire aage

ḳhush hote haiñ par vasl meñ yuuñ mar nahīñ jaate

aa.ī shab-e-hijrāñ kī tamannā mire aage

hai maujzan ik qulzum-e-ḳhūñ kaash yahī ho

aatā hai abhī dekhiye kyā kyā mire aage

go haath ko jumbish nahīñ āñkhoñ meñ to dam hai

rahne do abhī sāġhar-o-mīnā mire aage

ham-pesha o ham-mashrab o hamrāz hai merā

'ġhālib' ko burā kyuuñ kaho achchhā mire aage

bāzīcha-e-atfāl hai duniyā mere aage

hotā hai shab-o-roz tamāshā mere aage

ek khel hai aurañg-e-sulaimāñ mere nazdīk

ek baat hai ejāz-e-masīhā mere aage

juz nam nahīñ sūrat-e-ālam mujhe manzūr

juz wahm nahīñ hastī-e-ashiyā mere aage

hotā hai nihāñ gard meñ sahrā mere hote

ghistā hai jabīñ ḳhak pe dariyā mere aage

mat pūchh ki kyā haal hai merā tere pīchhe

tū dekh ki kyā rañg hai terā mere aage

sach kahte ho ḳhud-bīn o ḳhud-ārā huñ na kyuñ huñ

baiThā hai but-e-āina-sīmā mere aage

phir dekhiye andāz-e-gul-afshānī-e-guftār

rakh de koī paimāna-e-sahbā mere aage

nafrat kā gumāñ guzre hai maiñ rashk se guzrā

kyūñkar kahūñ lo nam na un kā mere aage

īmāñ mujhe roke hai jo khīñche hai mujhe kufr

kaba mere pīchhe hai kalīsā mere aage

āshiq huñ pa māshūq-farebī hai mirā kaam

majnūñ ko burā kahtī hai lailā mere aage

ḳhush hote haiñ par wasl meñ yuñ mar nahīñ jate

aaī shab-e-hijrāñ kī tamannā mere aage

hai maujzan ek qulzum-e-ḳhūñ kash yahī ho

aatā hai abhī dekhiye kyā kyā mere aage

go hath ko jumbish nahīñ āñkhoñ meñ to dam hai

rahne do abhī sāġhar-o-mīnā mere aage

ham-pesha o ham-mashrab o hamrāz hai merā

'ġhālib' ko burā kyuñ kaho achchhā mere aage