nahin ishq us ka to ranj hamein ki shakeb-o-qarar zara na raha

nahīñ 'ishq us kā to rañj hameñ ki shakeb-o-qarār zarā na rahā

ġham-e-’ishq to apnā rafīq rahā koī aur balā se rahā na rahā

tire ḳhanjar-o-teġh kī āb-e-ravāñ hue jaise sabīl-e-sitam-zadgāñ

ga.e kitne hī qāfila ḳhushk-zabāñ koī tishna-e-āb zarā na rahā

ka.ī roz meñ aaj vo māh-e-laqā huā sāmne mere jo jalva-numā

mujhe sabr-o-qarār zarā na rahā use pās-e-hijāb zarā na rahā

maiñ ne chāhā thā us ko ki rok rakhūñ merī jaan bhī jaa.e to jaane na duuñ

kiye lākhoñ fareb kar darūñ afsūñ na rahā na rahā

lage yuuñ to hazāroñ hī tīr-e-sitam ki taḌapte rahe paḌe ḳhaak meñ ham

us kī nāz-o-karishma kī teġh-e-do-dam lagī aisī ki tasma lagā na rahā

na thī haal kī jab hameñ hālat ḳhabar rahe ho auroñ kī 'aib-o-hunar

paḌī apnī ḳhatāoñ pe jab ki nazar to nigāh meñ koī burā na rahā

'zafar' aadmī us ko na jāniyegā go ho kaisā hī sāhab-e-fahm-o-zakā

jise 'aish meñ yād-e-ḳhudā na rahī jise taish meñ ḳhauf-e-ḳhudā na rahā

nahin 'ishq us ka to ranj hamein ki shakeb-o-qarar zara na raha

gham-e-’ishq to apna rafiq raha koi aur bala se raha na raha

tere KHanjar-o-tegh ki aab-e-rawan hue jaise sabil-e-sitam-zadgan

gae kitne hi qafila KHushk-zaban koi tishna-e-ab zara na raha

kai roz mein aaj wo mah-e-laqa hua samne mere jo jalwa-numa

mujhe sabr-o-qarar zara na raha use pas-e-hijab zara na raha

main ne chaha tha us ko ki rok rakhun meri jaan bhi jae to jaane na dun

kiye lakhon fareb kar darun afsun na raha na raha

lage yun to hazaron hi tir-e-sitam ki taDapte rahe paDe KHak mein hum

us ki naz-o-karishma ki tegh-e-do-dam lagi aisi ki tasma laga na raha

na thi haal ki jab hamein haalat KHabar rahe ho auron ki 'aib-o-hunar

paDi apni KHataon pe jab ki nazar to nigah mein koi bura na raha

'zafar' aadmi us ko na jaaniyega go ho kaisa hi sahab-e-fahm-o-zaka

jise 'aish mein yaad-e-KHuda na rahi jise taish mein KHauf-e-KHuda na raha