ba-wazu ho kar piyen sab mai-kade mein mil ke mul

bā-vazū ho kar piyeñ sab mai-kade meñ mil ke mul

ho rahe haiñ ek riñd ’ārif-o-'āqil ke qul

allāh allāh bāda-e-gul-gūñ kī ye nairañgiyāñ

ma.e ke sāġhar haiñ ba-bātin aur ba-zāhir gil ke gul

aate aate rah ga.e vo pursish-e-bīmār ko

khulte-khulte rah ga.e ’uqde mirī mushkil ke kul

kis kā mīzān-e-mohabbat meñ garāñ palla rahe

saath ai ḳhūn-e-tamannā ḳhanjar-e-qātil ke tul

tābkai ai nā-shagufta ġhunche ye mohr-e-sukūt

kuchh to rañg-e-be-sabātī par chaman ke khil ke khul

ham azal se hī haiñ 'bāqar' jānisār-e-bū-turāb

bā’d-e-murdan dīdanī hoñge hamārī gil ke gul

ba-wazu ho kar piyen sab mai-kade mein mil ke mul

ho rahe hain ek rind ’arif-o-'aqil ke qul

allah allah baada-e-gul-gun ki ye nairangiyan

mae ke saghar hain ba-baatin aur ba-zahir gil ke gul

aate aate rah gae wo pursish-e-bimar ko

khulte-khulte rah gae ’uqde meri mushkil ke kul

kis ka mizan-e-mohabbat mein garan palla rahe

sath ai KHun-e-tamanna KHanjar-e-qatil ke tul

tabkai ai na-shagufta ghunche ye mohr-e-sukut

kuchh to rang-e-be-sabaati par chaman ke khil ke khul

hum azal se hi hain 'baqar' jaanisar-e-bu-turab

ba’d-e-murdan didani honge hamari gil ke gul