bar-gashta-e-yazdan se kuchh bhul hui hai
bar-gashta-e-yazdāñ se kuchh bhuul huī hai
bhaTke hue insāñ se kuchh bhuul huī hai
tā-hadd-e-nazar sho'le hī sho'le haiñ chaman meñ
phūlūñ ke nigahbāñ se kuchh bhuul huī hai
jis 'ahd meñ luT jaa.e faqīroñ kī kamā.ī
us 'ahd ke sultāñ se kuchh bhuul huī hai
hañste haiñ mirī sūrat maftūñ pe shagūfe
mere dil-e-nādāñ se kuchh bhuul huī hai
hūroñ kī talab aur mai-o-‘sāġhar’ se hai nafrat
zāhid tire 'irfāñ se kuchh bhuul huī hai
bar-gashta-e-yazdan se kuchh bhul hui hai
bhaTke hue insan se kuchh bhul hui hai
ta-hadd-e-nazar sho'le hi sho'le hain chaman mein
phulun ke nigahban se kuchh bhul hui hai
jis 'ahd mein luT jae faqiron ki kamai
us 'ahd ke sultan se kuchh bhul hui hai
hanste hain meri surat maftun pe shagufe
mere dil-e-nadan se kuchh bhul hui hai
huron ki talab aur mai-o-‘saghar’ se hai nafrat
zahid tere 'irfan se kuchh bhul hui hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
