ada ki le rahi hai arsh ki pahlu-nashin ho kar

adā kī le rahī hai 'arsh kī pahlū-nashīñ ho kar

zamīñ rauza kī tere tere rauza kī zamīñ ho kar

rahā jo muddatoñ tāj-e-sar-e-'arsh-e-barīñ ho kar

vahī chamkā 'arab meñ nūr-e-rabbul-'ālamīñ ho kar

mohammad sar se pā tak maz.har-e-husn-e-ilāhī haiñ

ki aa.e dahr meñ tasvīr-e-sūrat āfrīñ ho kar

kareñ taz.īn mah-rūyān-e-'ālam ko zarūrat hai

tumheñ kyā chāhiye mahbūb-e-rabbul-'ālamīñ ho kar

mohammad sab se pahle ham gunahgāroñ ko pūchheñge

hameñ vo bhuul sakte haiñ shafī'-ul-muznabīñ ho kar

hamārā kuchh na honā laakh hone ke barābar hai

chale duniyā se ham shaidā-e-kHatamul-muraslīñ ho kar

hamāre sar pe 'bedam' zill-e-dāmān-e-mohammad hai

to kyā kar legā phir ḳhurshīd-e-mahshar ḳhashm-gīñ ho kar

ada ki le rahi hai 'arsh ki pahlu-nashin ho kar

zamin rauza ki tere tere rauza ki zamin ho kar

raha jo muddaton taj-e-sar-e-'arsh-e-barin ho kar

wahi chamka 'arab mein nur-e-rabbul-'alamin ho kar

mohammad sar se pa tak mazhar-e-husn-e-ilahi hain

ki aae dahr mein taswir-e-surat aafrin ho kar

karen tazin mah-ruyan-e-'alam ko zarurat hai

tumhein kya chahiye mahbub-e-rabbul-'alamin ho kar

mohammad sab se pahle hum gunahgaron ko puchhenge

hamein wo bhul sakte hain shafi'-ul-muznabin ho kar

hamara kuchh na hona lakh hone ke barabar hai

chale duniya se hum shaida-e-kHatamul-muraslin ho kar

hamare sar pe 'bedam' zill-e-daman-e-mohammad hai

to kya kar lega phir KHurshid-e-mahshar KHashm-gin ho kar