میں کسی صورت میں ہوں گردش ہے میرے ساتھ میں

میں کسی صورت میں ہوں گردش ہے میرے ساتھ میں

بزمِ ہستی میں جو آیا دورِ ساغر ہوگیا

سو بہاریں اس مسرت اس تبسم کے نثار

آج دامانِ سحر پھولوں کی چادر ہوگیا

دو عدم میں ایک ہستی وہ بھی نذر نیستی

میرا ہونا بھی نہ ہونے کے برابر ہوگیا

اس نے رگ رگ کو سکھا دیں عشق میں بیچینیاں

قلبِ مضطر اک عذابِ جان مضطر ہوگیا

برہمی کی کوئی حد بھی اے مزاج زلفِ یار

کیا بگڑ جانے میں تو میرا مقدر ہوگیا

ہوتے ہوتے ہوگئی برہم وہ بیدمؔ بزمِ ناز

دیکھتے ہی دیکھتے سامانِ محشر ہوگیا