Font by Mehr Nastaliq Web
Sufinama

ajab andaz tujhko nargis-e-mastana aata hai

Baqir Shahjahanpuri

ajab andaz tujhko nargis-e-mastana aata hai

Baqir Shahjahanpuri

MORE BYBaqir Shahjahanpuri

    'ajab andāz tujh ko nargis-e-mastāna aatā hai

    ki har hoshiyār banñe ko yahāñ dīvāna aatā hai

    koī zāhid ho vā'iz ho be-tābāna aatā hai

    samajh meñ jis raaz bāda-o-paimāna aatā hai

    vahī masjid se uTh kar jānib-e-mai-ḳhāna aatā hai

    haqīqat meñ nigāheñ dekh letī haiñ haqīqat ko

    chhupā sakte nahīñ kasrat ke parde rañg-e-vahdat ko

    zamāna kyā samajh saktā hai us ke kufr-e-ulfat ko

    nazar but meñ bhī jis ko jalva-e-jānāna aatā hai

    karī hai dair meñ vo sajda-rezī 'ain mastī meñ

    mujhe kāfir lage kahne musalmānoñ bastī meñ

    nazar aatī nahīñ kuchh apnī hastī apnī hastī meñ

    kuchh aisā kho gayā huuñ dil ke hāthoñ but-parastī meñ

    jidhar jaatā huuñ mere sāmne but-ḳhāna aatā hai

    merī turbat pe aa kar ḳhud ye zāhid ne du'ā māñgī

    ḳhudā baḳhshe bahut achchhī guzārī but-parastī meñ

    'ajab andaz tujh ko nargis-e-mastana aata hai

    ki har hoshiyar banne ko yahan diwana aata hai

    koi zahid ho wa'iz ho be-tabana aata hai

    samajh mein jis ki raaz baada-o-paimana aata hai

    wahi masjid se uTh kar jaanib-e-mai-KHana aata hai

    haqiqat mein nigahen dekh leti hain haqiqat ko

    chhupa sakte nahin kasrat ke parde rang-e-wahdat ko

    zamana kya samajh sakta hai us ke kufr-e-ulfat ko

    nazar but mein bhi jis ko jalwa-e-jaanana aata hai

    kari hai dair mein wo sajda-rezi 'ain masti mein

    mujhe kafir lage kahne musalmanon ki basti mein

    nazar aati nahin kuchh apni hasti apni hasti mein

    kuchh aisa kho gaya hun dil ke hathon but-parasti mein

    jidhar jata hun mere samne but-KHana aata hai

    meri turbat pe aa kar KHud ye zahid ne du'a mangi

    KHuda baKHshe bahut achchhi guzari but-parasti mein

    Videos
    This video is playing from YouTube

    Videos
    This video is playing from YouTube

    Maulvi Haider Hassan Akhtar

    Maulvi Haider Hassan Akhtar

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now