عجب انداز تجھ کو نرگس مستانہ آتا ہے

عجب انداز تجھ کو نرگس مستانہ آتا ہے

کہ ہر ہوشیار بننے کو یہاں دیوانہ آتا ہے

کوئی زاہد ہو واعظ ہو بے تابانہ آتا ہے

سمجھ میں جس کی راز بادہ و پیمانہ آتا ہے

وہی مسجد سے اٹھ کر جانب مے خانہ آتا ہے

حقیقت میں نگاہیں دیکھ لیتی ہیں حقیقت کو

چھپا سکتے نہیں کثرت کے پردے رنگ وحدت کو

زمانہ کیا سمجھ سکتا ہے اس کے کفر الفت کو

نظر بت میں بھی جس کو جلوۂ جانانہ آتا ہے

کری ہے دیر میں وہ سجدہ ریزی عین مستی میں

مجھے کافر لگے کہنے مسلمانوں کی بستی میں

نظر آتی نہیں کچھ اپنی ہستی اپنی ہستی میں

کچھ ایسا کھو گیا ہوں دل کے ہاتھوں بت پرستی میں

جدھر جاتا ہوں میرے سامنے بت خانہ آتا ہے

میری تربت پہ آ کر خود یہ زاہد نے دعا مانگی

خدا بخشے بہت اچھی گزاری بت پرستی میں