bujhi hui shama ka dhuan hun aur apne markaz ko ja raha hun

bujhī huī sham.a kā dhuāñ huuñ aur apne markaz ko jā rahā huuñ

ki dil kī hastī to miT chukī hai ab apnī hastī miTā rahā huuñ

ye vaqt hai mujh pe bandagī kā kaho jise sajda kar luuñ varna

azal se tā 'ahd-e-āfrīnash maiñ aap apnā ḳhudā rahā huuñ

mohabbat insān kī hai fitrat kahāñ hai imkān-e-tark-e-ulfat

vo itnā hī yaad aa rahā hai maiñ jitnā us ko bhulā rahā huuñ

zamīñ pe sajde haiñ har qadam par zabāñ pe labbaik har-nafas meñ

chalā huuñ yuuñ but-kade ko 'nātiq' ki jaise ka'aba ko jā rahā huuñ

bujhi hui shama ka dhuan hun aur apne markaz ko ja raha hun

ki dil ki hasti to miT chuki hai ab apni hasti miTa raha hun

ye waqt hai mujh pe bandagi ka kaho jise sajda kar lun warna

azal se ta 'ahd-e-afrinash main aap apna KHuda raha hun

mohabbat insan ki hai fitrat kahan hai imkan-e-tark-e-ulfat

wo itna hi yaad aa raha hai main jitna us ko bhula raha hun

zamin pe sajde hain har qadam par zaban pe labbaik har-nafas mein

chala hun yun but-kade ko 'natiq' ki jaise ka'aba ko ja raha hun