chand chhup jaega tare so jaenge chandni raat ka husn Dhal jaega

chāñd chhup jā.egā taare so jā.eñge chāñdnī raat kā husn Dhal jā.egā

jab tak aaoge tum sub.h ho jā.egī hasratoñ kā merī dam nikal jā.egā

apne ruḳh se na sarkāo āñchal ko tum maan jaao ye dil hai machal jā.egā

hosh uḌ jā.eñge 'aql kho jā.egī barq gir jā.egī tuur jal jā.egā

sāmne husn be-iḳhtiyār aa gayā be-qarārī ko merī qarār aa gayā

maiñ to samjhā thā taskīn ho jā.egī kyā ḳhabar thī ye aur machal jā.egā

ho mere dil ke tum nā ḳhudā.e sanam hai tumhīñ se merī zindagī kā bhram

laaj rakh lenā ulfat kī tum ko qasam tum jo badle zamāna badal jā.egā

jāñ-kanī kā hai 'ālam bapā sar-ba-sar haiñ pareshāñ bālīñ pe sab chāra-gar

pyaar se rakh lo tum apne zānūñ pe sar maut aa jā.egī dam nikal jā.egā

husn kā jalva āñkhoñ meñ chhup jā.egā TuuT jā.egā jaadū bharā ye samāñ

le lo be-ḳhud hī rahne de ai sāqiyā hosh aayā to naqsha badal jā.egā

jazba-e-'ishq uTh zulm par zulm Dhaao bhī kar apnī rasm-e-mohabbat adā

maiñ maqsad ko apne pahuñch jā.ūñgā un ke dil kā bhī armān nikal jā.egā

chand chhup jaega tare so jaenge chandni raat ka husn Dhal jaega

jab tak aaoge tum subh ho jaegi hasraton ka meri dam nikal jaega

apne ruKH se na sarkao aanchal ko tum man jao ye dil hai machal jaega

hosh uD jaenge 'aql kho jaegi barq gir jaegi tur jal jaega

samne husn be-iKHtiyar aa gaya be-qarari ko meri qarar aa gaya

main to samjha tha taskin ho jaegi kya KHabar thi ye aur machal jaega

ho mere dil ke tum na KHudae sanam hai tumhin se meri zindagi ka bhram

laj rakh lena ulfat ki tum ko qasam tum jo badle zamana badal jaega

jaan-kani ka hai 'alam bapa sar-ba-sar hain pareshan baalin pe sab chaara-gar

pyar se rakh lo tum apne zanun pe sar maut aa jaegi dam nikal jaega

husn ka jalwa aankhon mein chhup jaega TuT jaega jadu bhara ye saman

le lo be-KHud hi rahne de ai saqiya hosh aaya to naqsha badal jaega

jazba-e-'ishq uTh zulm par zulm Dhao bhi kar apni rasm-e-mohabbat ada

main maqsad ko apne pahunch jaunga un ke dil ka bhi arman nikal jaega