chashm mein KHalq ki go misl-e-habab aata hun

chashm meñ ḳhalq kī go misl-e-habāb aatā huuñ

ain-e-dariyā huuñ haqīqat meñ bahā jaatā huuñ

ma.anī-e-nuqta anal-haq ko na pūchho mujh se

DhūñDhtā huuñ use jab āñkhoñ meñ pā jaatā huuñ

kaif-o-kam mere haiñ juuñ mauj-e-habāb-o-dariyā

mujh se uThte haiñ aur maiñ hī unheñ khā jaatā huuñ

chashm-e-zāhir ko agar band kare to dekhe

rañg-birañge ko maiñ har rañg meñ dikhlātā huuñ

sham.a ke taur jalātā huuñ jigar ātish maiñ

suḳhan-e-ishq zabāñ apnī pe jab laatā huuñ

chashm mein KHalq ki go misl-e-habab aata hun

ain-e-dariya hun haqiqat mein baha jata hun

mani-e-nuqta anal-haq ko na puchho mujh se

DhunDhta hun use jab aankhon mein pa jata hun

kaif-o-kam mere hain jun mauj-e-habab-o-dariya

mujh se uThte hain aur main hi unhen kha jata hun

chashm-e-zahir ko agar band kare to dekhe

rang-birange ko main har rang mein dikhlata hun

shama ke taur jalata hun jigar aatish main

suKHan-e-ishq zaban apni pe jab lata hun