daim paḌā huā tere dar par nahīñ huñ maiñ

daa.im paḌā huā tire dar par nahīñ huuñ maiñ

ḳhaak aisī zindagī pe ki patthar nahīñ huuñ maiñ

kyuuñ gardish-e-mudām se ghabrā na jaa.e dil

insān huuñ piyāla o sāġhar nahīñ huuñ maiñ

yā-rab zamāna mujh ko miTātā hai kis liye

lauh-e-jahāñ pe harf-e-mukarrar nahīñ huuñ maiñ

had chāhiye sazā meñ uqūbat ke vāste

āḳhir gunāhgār huuñ kāfar nahīñ huuñ maiñ

kis vāste aziiz nahīñ jānte mujhe

la.al o zamurrad o zar o gauhar nahīñ huuñ maiñ

rakhte ho tum qadam mirī āñkhoñ se kyuuñ dareġh

rutbe meñ mahr-o-māh se kam-tar nahīñ huuñ maiñ

karte ho mujh ko man.a-e-qadam-bos kis liye

kyā āsmān ke bhī barābar nahīñ huuñ maiñ

'ġhālib' vazīfa-ḳhvār ho do shaah ko duā

vo din ga.e ki kahte the naukar nahīñ huuñ maiñ

daim paḌā huā tere dar par nahīñ huñ maiñ

ḳhak aisī zindagī pe ki patthar nahīñ huñ maiñ

kyuñ gardish-e-mudām se ghabrā na jae dil

insān huñ piyāla o sāġhar nahīñ huñ maiñ

yā-rab zamāna mujh ko miTātā hai kis liye

lauh-e-jahāñ pe harf-e-mukarrar nahīñ huñ maiñ

had chāhiye sazā meñ uqūbat ke wāste

āḳhir gunāhgār huñ kāfar nahīñ huñ maiñ

kis wāste aziz nahīñ jānte mujhe

lal o zamurrad o zar o gauhar nahīñ huñ maiñ

rakhte ho tum qadam mirī āñkhoñ se kyuñ dareġh

rutbe meñ mahr-o-māh se kam-tar nahīñ huñ maiñ

karte ho mujh ko mana-e-qadam-bos kis liye

kyā āsmān ke bhī barābar nahīñ huñ maiñ

'ġhālib' wazīfa-ḳhwār ho do shah ko duā

wo din gae ki kahte the naukar nahīñ huñ maiñ