taDapta lauTta uDta jo be-tabana aata hai

taḌaptā lauTtā uḌtā jo be-tābāna aatā hai

ye murġh-e-nāma-bar aatā hai yā parvāna aatā hai

ruḳh-e-raushan ke aage sham.a rakh kar vo ye kahte haiñ

udhar jaatā hai dekheñ yā idhar parvāna aatā hai

daġhā shoḳhī sharārat be-hayā.ī fitna-pardāzī

tujhe kuchh aur bhī ai nargis-e-mastāna aatā hai

vo nāzuk haiñ to kyā apne se ḳhanjar phir nahīñ saktā

tujhe kuchh nañg bhī ai himmat-e-mardāna aatā hai

vahī jhagḌā hai furqat kā vahī qissa hai ulfat kā

tujhe ai 'dāġh' koī aur bhī afsāna aatā hai

taDapta lauTta uDta jo be-tabana aata hai

ye murgh-e-nama-bar aata hai ya parwana aata hai

ruKH-e-raushan ke aage shama rakh kar wo ye kahte hain

udhar jata hai dekhen ya idhar parwana aata hai

dagha shoKHi shararat be-hayai fitna-pardazi

tujhe kuchh aur bhi ai nargis-e-mastana aata hai

wo nazuk hain to kya apne se KHanjar phir nahin sakta

tujhe kuchh nang bhi ai himmat-e-mardana aata hai

wahi jhagDa hai furqat ka wahi qissa hai ulfat ka

tujhe ai 'dagh' koi aur bhi afsana aata hai