ilahi kya karen zabt-e-mohabbat hum to marte hain

ilāhī kyā kareñ zabt-e-mohabbat ham to marte haiñ

ye naale tiir ban-ban kar kaleje meñ utarte haiñ

jafā par jaan dete haiñ sitam par terī marte haiñ

ye nā-kām-e-mohabbat sach to ye hai kaam karte haiñ

pai-tā'zīm uThtī hai qiyāmat kū-e-jānāñ meñ

ajal kahtī hai bismillāh jahāñ vo paañv dharte haiñ

baḌhāyā dil hai us kā is tarah kah kar dam-e-bismil

lagā chak teġh ai qātil kahīñ qātil se Darte haiñ

tumhārī bad-mizājī se hameñ kyuuñ kar na ḳhauf aa.e

misl mash.hūr hai sāheb bure se sab hī Darte haiñ

ilahi kya karen zabt-e-mohabbat hum to marte hain

ye nale tir ban-ban kar kaleje mein utarte hain

jafa par jaan dete hain sitam par teri marte hain

ye na-kaam-e-mohabbat sach to ye hai kaam karte hain

pai-ta'zim uThti hai qiyamat ku-e-jaanan mein

ajal kahti hai bismillah jahan wo panw dharte hain

baDhaya dil hai us ka is tarah kah kar dam-e-bismil

laga chak tegh ai qatil kahin qatil se Darte hain

tumhaari bad-mizaji se hamein kyun kar na KHauf aae

misl mashhur hai saheb bure se sab hi Darte hain