ba’d mere kyun nawed-e-wasl-e-yar aane ko thi

baa’d mere kyuuñ naved-e-vasl-e-yār aane ko thī

vo chaman hī miT gayā jis meñ bahār aane ko thī

maut mere paas roz-e-intizār aane ko thī

aa ga.ī taqdīr se jo be-qarār aane ko thī

mere marne kī ḳhabar sun kar kiyā mushkil se zabt

un ke hoñToñ par hañsī be-iḳhtiyār aane ko thī

sun ke aamad aamad us kī qabr meñ ye haal thā

'umr-e-rafta phir mire zer-e-mazār aane ko thī

āsmāñ par phir rahā hai muztarib vā'de kī raat

kaun sī mujh tak ḳhushī parvardigār aane ko thī

hai garāñ 'aish-e-vafā hī 'dāġh' kyā har ek shai

ab rupye ko bhī nahīñ miltī jo chaar aane ko thī

ba’d mere kyun nawed-e-wasl-e-yar aane ko thi

wo chaman hi miT gaya jis mein bahaar aane ko thi

maut mere pas roz-e-intizar aane ko thi

aa gai taqdir se jo be-qarar aane ko thi

mere marne ki KHabar sun kar kiya mushkil se zabt

un ke honTon par hansi be-iKHtiyar aane ko thi

sun ke aamad aamad us ki qabr mein ye haal tha

'umr-e-rafta phir mere zer-e-mazar aane ko thi

aasman par phir raha hai muztarib wa'de ki raat

kaun si mujh tak KHushi parwardigar aane ko thi

hai garan 'aish-e-wafa hi 'dagh' kya har ek shai

ab rupye ko bhi nahin milti jo chaar aane ko thi