hamare dam nikalne mein bhi ek aalam nikalta hai

hamāre dam nikalne meñ bhī ik 'ālam nikaltā hai

ki vo mushtāq haiñ dekheñ to kyūñ-kar dam nikaltā hai

kamī kyā paḌ ga.ī hai chāhne vāloñ kī ai qātil

ki ab talvār kam khiñchtī hai ḳhanjar kam nikaltā hai

na tujh sā aaj tak dekhā na tujh sā hashr tak dekheñ

un āñkhoñ se bahut niklā bahut 'ālam nikaltā hai

koī kyā chal sakegā us ḳhirām-e-nāz se baḌh kar

qayāmat kā tumhārī Thokaroñ meñ dam nikaltā hai

tum hī merī masīhā ho tum hī merī tamannā ho

tum hī par jaan jaatī hai tum hī par dam nikaltā hai

gila kaisā kahāñ kā rañj kaisā jāñbalab honā

jab us ne pyaar se pūchhā tumhārā dam nikaltā hai

ilāhī ḳhair karnā aaj koī 'dāġh' ke ghar se

na be-shevoñ nikaltā hai na be-mātam nikaltā hai

hamare dam nikalne mein bhi ek 'alam nikalta hai

ki wo mushtaq hain dekhen to kyun-kar dam nikalta hai

kami kya paD gai hai chahne walon ki ai qatil

ki ab talwar kam khinchti hai KHanjar kam nikalta hai

na tujh sa aaj tak dekha na tujh sa hashr tak dekhen

un aankhon se bahut nikla bahut 'alam nikalta hai

koi kya chal sakega us KHiram-e-naz se baDh kar

qayamat ka tumhaari Thokaron mein dam nikalta hai

tum hi meri masiha ho tum hi meri tamanna ho

tum hi par jaan jati hai tum hi par dam nikalta hai

gila kaisa kahan ka ranj kaisa jaanbalab hona

jab us ne pyar se puchha tumhaara dam nikalta hai

ilahi KHair karna aaj koi 'dagh' ke ghar se

na be-shewon nikalta hai na be-matam nikalta hai