tumne badle humse gin-gin ke liye

tum ne badle ham se gin-gin ke liye

ham ne kyā chāhā thā us din ke liye

kuchh nirālā hai javānī kā banāo

shoḳhiyāñ zevar haiñ us sin ke liye

chāhne vāloñ se gar matlab nahīñ

aap paidā hue kin ke liye

ham-nashīnoñ se mire kahte haiñ vo

chhoḌ diiñ ġhairoñ ko kyā un ke liye

haiñ ruḳh-e-nāzuk pe gintī ke nishān

kis ne bose tere gin-gin ke liye

vo nahīñ sunte hamārī kyā kareñ

māñgte haiñ ham diyā jin ke liye

āj-kal meñ 'dāġh' hoñge kāmyāb

kyuuñ mare jaate ho do-din ke liye

tum ne badle hum se gin-gin ke liye

hum ne kya chaha tha us din ke liye

kuchh nirala hai jawani ka banao

shoKHiyan zewar hain us sin ke liye

chahne walon se gar matlab nahin

aap paida hue kin ke liye

ham-nashinon se mere kahte hain wo

chhoD din ghairon ko kya un ke liye

hain ruKH-e-nazuk pe ginti ke nishan

kis ne bose tere gin-gin ke liye

wo nahin sunte hamari kya karen

mangte hain hum diya jin ke liye

aaj-kal mein 'dagh' honge kaamyab

kyun mare jate ho do-din ke liye