abhi kya karen zabt-e-mohabbat mein to marte hain

abhī kyā kareñ zabt-e-mohabbat meñ to marte haiñ

ki naale ban-ban kar kaleja meñ utarte haiñ

jafā par jaan dete haiñ sitam par paḌe marte haiñ

ye nākām-e-mohabbat sach to ye hai kaam karte haiñ

kaheñ kyā ham pe jo sadme guzarte haiñ

lagāyā jis ghaḌī dil us ghaḌī ko yaad karte haiñ

paye tā'zīm uTThī hai qayāmat kū-e-jānā meñ

ajal kahtī hai bismillāh jahāñ ham yaad dharte haiñ

na pūchho kuchh musībat dard-mandān-e-mohabbat kī

ḳhudā par ḳhuub raushan hai guzar jis tarh karte haiñ

yahāñ tak bad-gumāñ haiñ mere murġh-e-nāma-bar se vo

ki pahle zab.h karte haiñ to pīchhe par katarte haiñ

tumhārī bad-mizājī se hameñ kyūñ-kar na ḳhauf aa.e

misal mash.hūr hai sāhib bure se sab hī Darte haiñ

na pūchho 'dāġh' ham se intizār-e-yār kī sūrat

ye āñkheñ jāntī haiñ kHuub jo naqshe guzarte haiñ

abhi kya karen zabt-e-mohabbat mein to marte hain

ki nale ban-ban kar kaleja mein utarte hain

jafa par jaan dete hain sitam par paDe marte hain

ye nakaam-e-mohabbat sach to ye hai kaam karte hain

kahen kya hum pe jo sadme guzarte hain

lagaya jis ghaDi dil us ghaDi ko yaad karte hain

paye ta'zim uTThi hai qayamat ku-e-jaana mein

ajal kahti hai bismillah jahan hum yaad dharte hain

na puchho kuchh musibat dard-mandan-e-mohabbat ki

KHuda par KHub raushan hai guzar jis tarh karte hain

yahan tak bad-guman hain mere murgh-e-nama-bar se wo

ki pahle zabh karte hain to pichhe par katarte hain

tumhaari bad-mizaji se hamein kyun-kar na KHauf aae

misal mashhur hai sahib bure se sab hi Darte hain

na puchho 'dagh' hum se intizar-e-yar ki surat

ye aankhen jaanti hain kHub jo naqshe guzarte hain