wahi taat hai taat jis se jaan mein tazgi aae

vahī tā'at hai tā'at jis se jaañ meñ tāzgī aa.e

vahī sajda hai sajda jis se dil meñ raushnī aa.e

vahī hai rabt-o-nisbat jis se tark har do-'ālam ho

vahī hai 'ishq-o-ulfat jis se rag-rag meñ ḳhushī aa.e

vahī taslīm hai jis meñ ḳhudāvandī kī lazzat ho

vahī hai bandagī jis meñ surūr-e-sarvarī aa.e

vahī hai zikr-e-athar jis se uThe naġhmagī dil meñ

vahī 'irfāñ hai jis se vajd meñ apnī ḳhudī aa.e

vahī hai be-ḳhudī jis meñ faqat ik kaif-e-vahdat ho

fanā vo jis se ik nuqte pe saarī zindagī aa.e

kamāl-e-lutf-o-rahmat hai ḳhudā ḳhud aa.e insāñ tak

hai me'arāj-e-'ibādat ye ḳhudā tak aadmī aa.e

wahi ta'at hai ta'at jis se jaan mein tazgi aae

wahi sajda hai sajda jis se dil mein raushni aae

wahi hai rabt-o-nisbat jis se tark har do-'alam ho

wahi hai 'ishq-o-ulfat jis se rag-rag mein KHushi aae

wahi taslim hai jis mein KHudawandi ki lazzat ho

wahi hai bandagi jis mein surur-e-sarwari aae

wahi hai zikr-e-athar jis se uThe naghmagi dil mein

wahi 'irfan hai jis se wajd mein apni KHudi aae

wahi hai be-KHudi jis mein faqat ek kaif-e-wahdat ho

fana wo jis se ek nuqte pe sari zindagi aae

kamal-e-lutf-o-rahmat hai KHuda KHud aae insan tak

hai me'araj-e-'ibaadat ye KHuda tak aadmi aae