junun-e-agahi hun shorish-e-haq-e-sadaqat hun

junūn-e-āgahī huuñ shorish-e-haq-e-sadāqat huuñ

maiñ 'irfān-e-mohabbat huuñ maiñ tūfān-e-masarrat huuñ

vufūr-e-jalva mujh se 'ishq kī sarmastiyāñ mujh se

nashāt-e-vasl paiham huuñ 'ilāj-e-dard-e-furqat huuñ

gulistān-e-jahāñ hai mere dam se ḳhuld-e-nazāra

guloñ kī tāzgī huuñ maiñ hujūm-e-rañg-e-nik.hat huuñ

sitāroñ kī chamak huuñ raushnī huuñ chāñd sūraj kī

fazā kī vus’at-e-be-intihā gardūñ kī rif'at huuñ

mire naqsh-e-qadam se kahkashāñ kā nuur hai paidā

samā.e jis meñ haiñ kaunain vo dāmān-e-vus'at huuñ

nahīñ kuchh imtiyāz-e-kufr-o-’isyāñ tā’at-o-’isyāñ

khulā sab ke liye huuñ jis kā dāman vo saḳhāvat huuñ

jahāñ kī pastiyoñ meñ mauj-e-rif'at mujh se uThtī hai

gunah kī vādiyoñ meñ ābshār-e-’afv-o-rahmat huuñ

sa'ādat mere hāthoñ meñ ijābat mere dāman meñ

kHulūs-o-sādgī sidq-o-safā ’ijz-o-‘aqīdat huuñ

junun-e-agahi hun shorish-e-haq-e-sadaqat hun

main 'irfan-e-mohabbat hun main tufan-e-masarrat hun

wufur-e-jalwa mujh se 'ishq ki sarmastiyan mujh se

nashat-e-wasl paiham hun 'ilaj-e-dard-e-furqat hun

gulistan-e-jahan hai mere dam se KHuld-e-nazara

gulon ki tazgi hun main hujum-e-rang-e-nikhat hun

sitaron ki chamak hun raushni hun chand suraj ki

faza ki wus’at-e-be-intiha gardun ki rif'at hun

mere naqsh-e-qadam se kahkashan ka nur hai paida

samae jis mein hain kaunain wo daman-e-wus'at hun

nahin kuchh imtiyaz-e-kufr-o-’isyan ta’at-o-’isyan

khula sab ke liye hun jis ka daman wo saKHawat hun

jahan ki pastiyon mein mauj-e-rif'at mujh se uThti hai

gunah ki wadiyon mein aabshaar-e-’afw-o-rahmat hun

sa'adat mere hathon mein ijabat mere daman mein

kHulus-o-sadgi sidq-o-safa ’ijz-o-‘aqidat hun