Font by Mehr Nastaliq Web

dil jis ki mohabbat mein giraftar hai mera

Shah Turab Ali Qalandar

dil jis ki mohabbat mein giraftar hai mera

Shah Turab Ali Qalandar

dil jis mohabbat meñ giraftār hai merā

vo dushman-e-jānī o dil-āzār hai merā

kahtā hai ḳhabar-dār chhupānā mirī ulfat

āshiq se yahī qaul aur iqrār hai merā

kis tarah bhalā mujh se chhape dard-o-ġham is

ġhammāz to ye dīda-e-ḳhūñ-bār hai merā

kyuuñ kar na rakhūñ yaar ke milne tamannā

dil ārzū-e-vasl se nā-chār hai merā

kal dekh ke mujh ko vo lagā kahne kisī se

pahchāniyo is ko ye ḳharīdār hai merā

sūrat na dikhā.uñgā use apnī kisī din

kah do ye abas tishna-e-dīdār hai merā

kis tarah ba-īñ haal use yaar maiñ jānūñ

nādānī se ye vahm-o-pindār hai merā

kis tarah 'turāb' apnā kahauñ haal kisī se

jag meñ na koī yaar na ġham-ḳhvār hai merā

dil jis ki mohabbat mein giraftar hai mera

wo dushman-e-jaani o dil-azar hai mera

kahta hai KHabar-dar chhupana meri ulfat

aashiq se yahi qaul aur iqrar hai mera

kis tarah bhala mujh se chhape dard-o-gham is ka

ghammaz to ye dida-e-KHun-bar hai mera

kyun kar na rakhun yar ke milne ki tamannā

dil aarzu-e-wasl se na-chaar hai mera

kal dekh ke mujh ko wo laga kahne kisi se

pahchaniyo is ko ye KHaridar hai mera

surat na dikhaunga use apnī kisi din

kah do ye abas tishna-e-didar hai mera

kis tarah ba-in haal use yar main jaanun

nadani se ye wahm-o-pindar hai mera

kis tarah 'turab' apna kahaun haal kisi se

jag mein na koi yar na gham-KHwar hai mera

Videos
This video is playing from YouTube

Videos
This video is playing from YouTube

Sami Aazad

Sami Aazad

Source :

This content features in following collection(s)

0
COMMENTS
VIEW COMMENTS VIEW COMMENTS

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY
Speak Now