dil mein kuchh aur mere hasrat-o-arman nahin teri chahat ke siwa

dil meñ kuchh aur mire hasrat-o-armān nahīñ terī chāhat ke sivā

aah afsos taraf mere tirā dhyān nahīñ kyuuñ tū hai mujh se ḳhafā

ek din vo thā ki har dam tire dam-sāz the ham tere hamrāz the ham

ab to ye naqsha hai sūrat kī bhī pahchān nahīñ āshnā thā yā na thā

paas jab tak rahe ham aap ke dil-shād rahe kHuub āzād rahe

ab to fursat hameñ ġham se kabhī ik aan nahīñ jab se haiñ tum se judā

pahle to apnī nazar meñ mujhe manzūr kyā kHuub masrūr kiyā

bazm se apnī mujhe kāhai ko phir duur kyā merī taqsīr batā

haal sakta kā sā hai kah to nahīñ saktā huuñ maiñ tirī rah taktā huuñ maiñ

dard-e-furqat se mire tan meñ rahī jaan nahīñ ai masīhā mire aa

bāñdh ḳhāmosh kamar jald se kar azm-e-safar mauj-e-dariyā se na Dar

nāḳhudā kashtī kā kuchh terā nigahbān nahīñ terā hāfiz hai ḳhudā

dil mein kuchh aur mere hasrat-o-arman nahin teri chahat ke siwa

aah afsos taraf mere tera dhyan nahin kyun tu hai mujh se KHafa

ek din wo tha ki har dam tere dam-saz the hum tere hamraaz the hum

ab to ye naqsha hai surat ki bhi pahchan nahin aashna tha ya na tha

pas jab tak rahe hum aap ke dil-shad rahe kHub aazad rahe

ab to fursat hamein gham se kabhi ek aan nahin jab se hain tum se juda

pahle to apni nazar mein mujhe manzur kya kHub masrur kiya

bazm se apni mujhe kahai ko phir dur kya meri taqsir bata

haal sakta ka sa hai kah to nahin sakta hun main teri rah takta hun main

dard-e-furqat se mere tan mein rahi jaan nahin ai masiha mere aa

bandh KHamosh kamar jald se kar azm-e-safar mauj-e-dariya se na Dar

naKHuda kashti ka kuchh tera nigahban nahin tera hafiz hai KHuda