hai jannat meri jalwa-gah-e-nizami

hai jannat merī jalva-gāh-e-nizāmī

hai kā'ba merā bārgāh-e-nizāmī

nigāhoñ meñ jachtā nahīñ tāj-e-shāhī

mere sar pe hai gard rāh-e-nizāmī

gayā bhuul maiñ dair-o-ka'aba kā rasta

nigāhoñ ne dekhī jo rāh-e-nizāmī

nahīñ baat kahne kī kyā ho gayā huuñ

paḌī mujh pe jab se nigāh-e-nizāmī

faqīroñ kā bas ik yahī aasrā hai

salāmat rahe bārgāh-e-nizāmī

kiyā hai jise sab farishtoñ ne sajda

milī hai mujhe vo kulāh-e-nizāmī

vo dīvāne haiñ jo ki dīvāna samjheñ

maiñ 'dīvāna' huuñ dād-kHvāh-e-nizāmī

hai jannat meri jalwa-gah-e-nizami

hai ka'ba mera bargah-e-nizami

nigahon mein jachta nahin taj-e-shahi

mere sar pe hai gard rah-e-nizami

gaya bhul main dair-o-ka'aba ka rasta

nigahon ne dekhi jo rah-e-nizami

nahin baat kahne ki kya ho gaya hun

paDi mujh pe jab se nigah-e-nizami

faqiron ka bas ek yahi aasra hai

salamat rahe bargah-e-nizami

kiya hai jise sab farishton ne sajda

mili hai mujhe wo kulah-e-nizami

wo diwane hain jo ki diwana samjhen

main 'diwana' hun dad-kHwah-e-nizami