ہے جنت میری جلوہ گاہ نظامی

ہے جنت میری جلوہ گاہ نظامی

ہے کعبہ میرا بارگاہ نظامی

نگاہوں میں جچتا نہیں تاج شاہی

میرے سر پہ ہے گرد راہ نظامی

گیا بھول میں دیر و کعبہ کا رستہ

نگاہوں نے دیکھی جو راہ نظامی

نہیں بات کہنے کی کیا ہو گیا ہوں

پڑی مجھ پہ جب سے نگاہ نظامی

فقیروں کا بس اک یہی آسرا ہے

سلامت رہے بارگاہ نظامی

کیا ہے جسے سب فرشتوں نے سجدہ

ملی ہے مجھے وہ کلاہ نظامی

وہ دیوانے ہیں جو کہ دیوانہ سمجھیں

میں دیوانہؔ ہوں داد خواہ نظامی