do-jahan jalwa-e-jaanan ke siwa kuchh bhi nahin

do-jahāñ jalva-e-jānāñ ke sivā kuchh bhī nahīñ

ham ne kuchh aur na dekhā to ḳhatā kuchh bhī nahīñ''

kuchh na hone ke sivā dār-e-fanā kuchh bhī nahīñ

hai agar kuchh to yahāñ ġhair-e-ḳhudā kuchh bhī nahīñ

ishq har-ān na.ī shān-e-nazar rakhtā hai

ġhamza-o-ishva-o-andāz-o-adā kuchh bhī nahīñ''

zindagī sail-e-musalsal hai ravāñ aur davāñ

mauj-o-gardāb-o-talātum kī ḳhatā kuchh bhī nahīñ

muttafiq ishq se is baat meñ hai aql 'zhīn'

dard haath aa.e to sab kuchh hai davā kuchh bhī nahīñ

do-jahan jalwa-e-jaanan ke siwa kuchh bhi nahin

hum ne kuchh aur na dekha to KHata kuchh bhi nahin

kuchh na hone ke siwa dar-e-fana kuchh bhi nahin

hai agar kuchh to yahan ghair-e-KHuda kuchh bhi nahin

ishq har-an nai shan-e-nazar rakhta hai

ghamza-o-ishwa-o-andaz-o-ada kuchh bhi nahin

zindagi sail-e-musalsal hai rawan aur dawan

mauj-o-gardab-o-talatum ki KHata kuchh bhi nahin

muttafiq ishq se is baat mein hai aql 'zhin'

dard hath aae to sab kuchh hai dawa kuchh bhi nahin