دو جہاں جلوۂ جاناں کے سوا کچھ بھی نہیں

دو جہاں جلوۂ جاناں کے سوا کچھ بھی نہیں

ہم نے کچھ اور نہ دیکھا تو خطا کچھ بھی نہیں

کچھ نہ ہونے کے سوا دار فنا کچھ بھی نہیں

ہے اگر کچھ تو یہاں غیر خدا کچھ بھی نہیں

عشق ہر آن نئی شان نظر رکھتا ہے

غمزہ و عشوہ وانداز و ادا کچھ بھی نہیں

زندگی سیل مسلسل ہے رواں اور دواں

موج و گرداب و تلاطم کی خطا کچھ بھی نہیں

متفق عشق سے اس بات میں ہے عقل ذھینؔ

درد ہاتھ آئے تو سب کچھ ہے دوا کچھ بھی نہیں