dur jab tak rahe hum ba-dil-e-nashad rahe

duur jab tak rahe ham bā-dil-e-nāshād rahe

paas ham takHta-e-mashq-e-sitam-ījād rahe

jo guzar jaatī hai sar par se guzar jaane de

apne lab par na kabhī shikva-e-be-dād rahe

rabt baaqī rahe mahbūb-o-muhib meñ har-dam

ham sitam-kash raheñ aur vo sitam-ījād rahe

mai-kade se tire ḳhālī na phirā bāda-gusār

tū salāmat rahe aur mai-kada ābād rahe

na Thikāna hai hamārā na koī jā-e-qarār

'umr-bhar rāh-e-talab meñ terī barbād rahe

huī har ek kī do bātoñ meñ hal mushkil

terī nisbat se jahāñ ham rahe ustād rahe

dil kassī se na lagā dast-e-fishāñ sab se rahe

'umr-bhar qaid-e-ta.alluq se ham āzād rahe

jaan dī 'hasrat' shaidā ne tirā le kar naam

tujh ko us chāhne vaale kī bhī kuchh yaad rahe

dur jab tak rahe hum ba-dil-e-nashad rahe

pas hum takHta-e-mashq-e-sitam-ijad rahe

jo guzar jati hai sar par se guzar jaane de

apne lab par na kabhi shikwa-e-be-dad rahe

rabt baqi rahe mahbub-o-muhib mein har-dam

hum sitam-kash rahen aur wo sitam-ijad rahe

mai-kade se tere KHali na phira baada-gusar

tu salamat rahe aur mai-kada aabaad rahe

na Thikana hai hamara na koi ja-e-qarar

'umr-bhar rah-e-talab mein teri barbaad rahe

hui har ek ki do baaton mein hal mushkil

teri nisbat se jahan hum rahe ustad rahe

dil kassi se na laga dast-e-fishan sab se rahe

'umr-bhar qaid-e-talluq se hum aazad rahe

jaan di 'hasrat' shaida ne tera le kar nam

tujh ko us chahne wale ki bhi kuchh yaad rahe