tu hasrat ki nazron pe qurban ho ja

tū hasrat kī nazroñ pe qurbān ho jā

ki un kī hai har dam ye sū-e-mohammad

un āñkhoñ ko hai faiz chashm-e-'alī se

basā hai un āñkhoñ meñ rū-e-mohammad

ġhulām-e-mohammad ġhulām-e-'alī hai

ajal ḳhāna-zār-e-mohammad haiñ hasrat

ki rū-e-munavvar hai nūr-e-tajallā

mahaktī hai dāman se bū-e-mohammad

mohabbat kā paikar ye hasrat hai merā

ki girvīda us kā hai saarā zamāna

ragoñ meñ hai siddīq kā ḳhuun maftūm

basī hai tabī'at meñ khū-e-mohammad

gunahgār huuñ nām-levā huuñ hasrat

mirī laaj rakh le merī laaj rakh le

tirī laaj rakhī hai har dam ḳhudā ne

tirī aabrū ābrū-e-mohammad

hai dast-e-mohammad bajā dast-e-hasrat

ki 'ālam ko hai faiz saarā usī se

pahuñchtā hai ākHir ko hasrat ke dar par

kare jo koī ārzū-e-mohammad

mohammad kā tū hai hai tere mohammad

mehrbān terā huuñ terā huuñ hasrat

mujhe terā chehra hai rū-e-mohammad

mujhe terā kūcha hai kū-e-mohamma

tu hasrat ki nazron pe qurban ho ja

ki un ki hai har dam ye su-e-mohammad

un aankhon ko hai faiz chashm-e-'ali se

basa hai un aankhon mein ru-e-mohammad

ghulam-e-mohammad ghulam-e-'ali hai

ajal KHana-zar-e-mohammad hain hasrat

ki ru-e-munawwar hai nur-e-tajalla

mahakti hai daman se bu-e-mohammad

mohabbat ka paikar ye hasrat hai mera

ki girwida us ka hai sara zamana

ragon mein hai siddiq ka KHun maftum

basi hai tabi'at mein khu-e-mohammad

gunahgar hun nam-lewa hun hasrat

meri laj rakh le meri laj rakh le

teri laj rakhi hai har dam KHuda ne

teri aabru aabru-e-mohammad

hai dast-e-mohammad baja dast-e-hasrat

ki 'alam ko hai faiz sara usi se

pahunchta hai aakHir ko hasrat ke dar par

kare jo koi aarzu-e-mohammad

mohammad ka tu hai hai tere mohammad

mehrban tera hun tera hun hasrat

mujhe tera chehra hai ru-e-mohammad

mujhe tera kucha hai ku-e-mohamma