chum lun KHak-e-qadam dil ka taqaza hai yahi

chuum luuñ ḳhāk-e-qadam dil kā taqāzā hai yahī

yā rasūl-e-'arabī apnī tamannā hai yahī

dil se jaatā hī nahīñ aap ke gesū kā ḳhayāl

hosh jab se hai sambhālā mujhe saudā hai yahī

rū-e-anvar kī tajallī mujhe aa.ī jo nazar

maiñ ne samjhā ki shab-e-māh kā jalvā hai yahī

dekh kar aap ko me.arāj meñ hūreñ bolīñ

ye hai mahbūb-e-ḳhudā 'arsh kā taarā hai yahī

dekh kar rauza-e-aqdas ko ye dil bol uThā

rū-kash-e-bāġh-e-iram jo hai vo rauzā hai yahī

hubb-e-ahamad meñ jo miT jaa.e ahad ko paa.e

haq se milne kā jo sach pūchho vasīla hai yahī

ḳhaak chhānūñgā bayābān-e-'arab kī 'fā.iq'

sar meñ saudā hai yahī dil meñ samāyā hai yahī

chum lun KHak-e-qadam dil ka taqaza hai yahi

ya rasul-e-'arabi apni tamanna hai yahi

dil se jata hi nahin aap ke gesu ka KHayal

hosh jab se hai sambhaala mujhe sauda hai yahi

ru-e-anwar ki tajalli mujhe aai jo nazar

main ne samjha ki shab-e-mah ka jalwa hai yahi

dekh kar aap ko mearaj mein huren bolin

ye hai mahbub-e-KHuda 'arsh ka tara hai yahi

dekh kar rauza-e-aqdas ko ye dil bol uTha

ru-kash-e-bagh-e-iram jo hai wo rauza hai yahi

hubb-e-ahamad mein jo miT jae ahad ko pae

haq se milne ka jo sach puchho wasila hai yahi

KHak chhanunga bayaban-e-'arab ki 'faiq'

sar mein sauda hai yahi dil mein samaya hai yahi