dil hai be-KHud sambhaale na sambhle hosh mein mujhse aaya na jae

dil hai be-ḳhud sambhāle na sambhle hosh meñ mujh se aayā na jaa.e

dekh luuñ gar tirī mast āñkheñ jaam bhar kar uThāyā na jaa.e

laakh dekhe jatan ham ne kar ke baat dil kī samajh meñ na aa.ī

shahr ujḌe to bas jaa.e phir se dil jo ujḌe basāyā na jaa.e

surḳh hoñToñ kā andāz qātil kar na Daale bahāroñ ko bismil

dekh le gar tumhārā tabassum phuul se muskurāyā na jaa.e

apne hālāt kis ko batā.ūñ zindagī hai merī kashmakash meñ

tiir nazroñ kā aisā lagā hai zaḳhm dil kā chhupāyā na jaa.e

aap ko aisā dekhā nazar ne ban ga.e aap nazroñ kā hāsil

aap se dil kuchh aisā lagā hai ab kahīñ dil lagāyā na jaa.e

ai 'fanā' maiñ ne apne lahū se jis kī rāhoñ meñ gulshan khilā.e

is sitam-gar se do phuul le kar merī turbat pe aayā na jaa.e

dil hai be-KHud sambhaale na sambhle hosh mein mujh se aaya na jae

dekh lun gar teri mast aankhen jam bhar kar uThaya na jae

lakh dekhe jatan hum ne kar ke baat dil ki samajh mein na aai

shahr ujDe to bas jae phir se dil jo ujDe basaya na jae

surKH honTon ka andaz qatil kar na Dale bahaaron ko bismil

dekh le gar tumhaara tabassum phul se muskuraya na jae

apne haalat kis ko bataun zindagi hai meri kashmakash mein

tir nazron ka aisa laga hai zaKHm dil ka chhupaya na jae

aap ko aisa dekha nazar ne ban gae aap nazron ka hasil

aap se dil kuchh aisa laga hai ab kahin dil lagaya na jae

ai 'fana' main ne apne lahu se jis ki rahon mein gulshan khilae

is sitam-gar se do phul le kar meri turbat pe aaya na jae