tasawwuraat mein jab tak thi yar ki surat

tasavvurāt meñ jab tak thī yaar kī sūrat

ḳhizāñ kā daur bhī guzrā bahār kī sūrat

jahāñ meñ koī bhī pursān-e-soz-e-ġham na huā

kaTī hai 'umr charāġh-e-mazār kī sūrat

gayā hai jab se koī ruuTh kar mire ghar se

taḌap rahā huuñ dil-e-be-qarār kī sūrat

har ek dil meñ tasavvur hai husn-e-jānāñ kā

har ā.īne meñ hai ā.īna-dār kī sūrat

dikhānā chāñd mujhe chāñdnī ḳhudā ke liye

mirī nigāh meñ phirtī hai yaar kī sūrat

tire ḳhayāl meñ hālat ye ho ga.ī ai dost

kaTā hai din bhī shab-e-intizār kī sūrat

bichhaḌ gayā hai 'fanā' kaun ye gale mil kar

dikhā.ī detī nahīñ ab qarār kī sūrat

tasawwuraat mein jab tak thi yar ki surat

KHizan ka daur bhi guzra bahaar ki surat

jahan mein koi bhi pursan-e-soz-e-gham na hua

kaTi hai 'umr charagh-e-mazar ki surat

gaya hai jab se koi ruTh kar mere ghar se

taDap raha hun dil-e-be-qarar ki surat

har ek dil mein tasawwur hai husn-e-jaanan ka

har aaine mein hai aaina-dar ki surat

dikhana chand mujhe chandni KHuda ke liye

meri nigah mein phirti hai yar ki surat

tere KHayal mein haalat ye ho gai ai dost

kaTa hai din bhi shab-e-intizar ki surat

bichhaD gaya hai 'fana' kaun ye gale mil kar

dikhai deti nahin ab qarar ki surat